ການໂອນກຳມະສິດທີ່ດິນແມ່ນຫຍັງ? ແລະຂໍ້ດີຂອງການໃຊ້ບໍລິການຂອງ Tdinlao ໃນການໂອນກຳມະສິດທີ່ດິນ

   ການໂອນກຳມະສິດທີ່ດິນໃນສປປ ລາວ ແມ່ນການປ່ຽນແປງເຈົ້າຂອງທີ່ດິນຈາກບຸກຄົນ ຫຼື ນິຕິບຸກຄົນຫນຶ່ງໄປສູ່ບຸກຄົນ ຫຼື ນິຕິບຸກຄົນອີກຄົນນຶ່ງ ໂດຍປະຕິບັດຕາມກົດໝາຍວ່າດ້ວຍທີ່ດິນຂອງສປປ ລາວ. ຂັ້ນຕອນນີ້ປະກອບມີການຍື່ນເອກະສານທີ່ກ່ຽວຂ້ອງ, ແບບຟອມໂອນກຳມະສິດທີ່ດິນ, ການຈ່າຍພາສີ ແລະ ຄ່າທຳນຽມ. ການອອກໃບຕາດິນໃໝ່ໃຫ້ຜູ້ຮັບໂອນ ຂັ້ນຕອນດັ່ງກ່າວຕ້ອງປະຕິບັດຢ່າງຖືກຕ້ອງຕາມກົດໝາຍເພື່ອຮັບປະກັນວ່າການໂອນກຳມະສິດມີຄວາມຖືກຕ້ອງແລະບໍ່ມີຂໍ້ພິພາດ. ຂັ້ນຕອນດັ່ງກ່າວມີລາຍລະອຽດດັ່ງນີ້:

1. ການກະກຽມເອກະສານ:

   • ໃບຕາດິນ (ໃບສິດທິນໍາໃຊ້ທີ່ດິນ) ສະບັບຕົ້ນສະບັບ.

   • ສຳເນົາບັດປະຈຳຕົວ ຫຼືສຳມະໂນຄົວຂອງຜູ້ໂອນ ແລະ ຜູ້ຮັບໂອນ.

   • ແບບຟອມໂອນກຳມະສິດທີ່ດິນ.

   • ແລະ ເອກະສານອື່ນໆທີ່ກ່ຽວຂ້ອງ (ໃບຢັ້ງຢືນການຈ່າຍພາສີ, ໃບຢັ້ງຢືນການເຄື່ອນໄຫວຂອງຕອນດິນ, ໃບຢັ້ງຢຶນສາຍຍາດຂອງຜູ້ໂອນ ແລະ ຜູ້ຮັບໂອນ).

2. ການຕົກລົງຊື້-ຂາຍ:

   • ຜູ້ໂອນ ແລະ ຜູ້ຮັບໂອນຕ້ອງຕົກລົງກັນໃນລາຄາ ແລະ ເງື່ອນໄຂການໂອນ.

   • ສັນຍາຕ້ອງມີການລົງນາມຈາກທັງສອງຝ່າຍ ແລະ ມີພະຍານຢັ້ງຢືນ.

3. ການຢືນເອກະສານທີ່ຫ້ອງການທີ່ດິນ (ກົມຕາດິນ):

   • ນຳເອກະສານທັງໝົດໄປຍື່ນທີ່ຫ້ອງການຄຸ້ມຄອງທີ່ດິນປະຈຳທ້ອງຖິ່ນ (ເມືອງ ຫຼື ແຂວງ).

   • ເຈົ້າໜ້າທີ່ຈະກວດສອບເອກະສານ ແລະ ຢັ້ງຢືນຄວາມຖືກຕ້ອງ.

4. ການຈ່າຍພາສີ ແລະ ຄ່າທຳນຽມ:

   • ຜູ້ໂອນ ຫຼື ຜູ້ຮັບໂອນຕ້ອງຈ່າຍຄ່າທຳນຽມເຊັນເອກະສານໂອນກຳມະສິດທີ່ດິນ ທີ່ຫ້ອງການບ້ານ.

   • ຈ່າຍຄ່າທຳນຽມການໂອນກຳມະສິດໃຫ້ຫ້ອງການທີ່ດິນ (ກົມຕາດິນ).

5. ການອອກໃບຕາດິນໃໝ່:

   • ຫຼັງຈາກການກວດສອບ ແລະ ຈ່າຍຄ່າທຳນຽມສຳເລັດ, ຫ້ອງການທີ່ດິນຈະອອກໃບຕາດິນໃໝ່ໃຫ້ແກ່ຜູ້ຮັບໂອນ.

6. ໄລຍະເວລາ:

   • ການດຳເນີນງານປົກກະຕິໃຊ້ເວລາປະມານ 3-4 ອາທິດ, ຂຶ້ນກັບຄວາມສົມບູນຂອງເອກະສານ ແລະ ຂັ້ນຕອນຂອງຫ້ອງການທີ່ດິນ.

ຂໍ້ຄວນລະວັງ:

• ກວດສອບໃຫ້ແນ່ໃຈວ່າທີ່ດິນບໍ່ມີຂໍ້ພິພາດ ຫຼື ຖືກຈຳກັດໂດຍກົດໝາຍ (ເຊັ່ນ: ຖືກຈຳນອງ, ຢຶດຄອງ, ຫຼື ຂັດແຍ່ງ).

• ທີ່ດິນບາງປະເພດ (ເຊັ່ນ: ທີ່ດິນຂອງລັດ, ທີ່ດິນປ່າໄມ້) ອາດບໍ່ສາມາດໂອນກຳມະສິດໄດ້.

ຂໍ້ດີຂອງການໃຊ້ບໍລິການຂອງ Tdinlao ໃນການໂອນກຳມະສິດທີ່ດິນ

Tdinlao ເປັນແພລດຟອມອອນລາຍທີ່ໃຫ້ບໍລິການດ້ານຕະຫຼາດອະສັງຫາລິມະຊັບ ແລະ ໂອນກຳມະສິດທີ່ດິນໃນສປປ ລາວ. ການໃຊ້ບໍລິການຂອງ Tdinlao ມີຂໍ້ດີດັ່ງນີ້:

1. ຄວາມສະດວກ ແລະ ປະຫຍັດເວລາ:

   • Tdinlao ຊ່ວຍໃຫ້ການດຳເນີນຂັ້ນຕອນໂອນກຳມະສິດທີ່ດິນງ່າຍຂື້ນ ແລະ ປະຫຍັດເວລາໃນການຈັດການເອກະສານ.

2. ການຊ່ວຍເຫຼືອດ້ານເອກະສານ:

   • ແພລດຟອມນີ້ສະໜອງຄຳແນະນຳໃນການກຽມເອກະສານທີ່ຈຳເປັນ, ຊ່ວຍກວດວ່າເອກະສານຄົບຖ້ວນ ແລະ ຖືກຕ້ອງຕາມກົດໝາຍ, ຫຼຸດຜ່ອນຄວາມຜິດພາດທີ່ອາດເກີດຂຶ້ນ.

3. ຄວາມໂປ່ງໃສ:

   • Tdinlao ສະໜອງຂໍ້ມູນກ່ຽວກັບຄ່າທຳນຽມ, ພາສີ, ແລະ ຂັ້ນຕອນການໂອນກຳມະສິດຢ່າງຈະແຈ້ງ, ຊ່ວຍໃຫ້ຜູ້ໃຊ້ບໍລິການເຂົ້າໃຈຂະບວນການແລະຄ່າໃຊ້ຈ່າຍທີ່ກ່ຽວຂ້ອງ.

4. ການບໍລິການແບບມືອາຊີບ:

   • Tdinlao ມີທີມງານຜູ້ຊ່ຽວຊານທີ່ສາມາດໃຫ້ຄຳປຶກສາ ແລະ ຊ່ວຍແກ້ໄຂບັນຫາທີ່ອາດເກີດຂຶ້ນໃນລະຫວ່າງການດຳເນີນຂັ້ນຕອນ, ເຊັ່ນ: ການກວດສອບຂໍ້ພິພາດທີ່ດິນ.

5. ຄວາມປອດໄພໃນການດຳເນີນງານ:

   • Tdinlao ມີລະບົບທີ່ປອດໄພໃນການຈັດການຂໍ້ມູນ ແລະ ເອກະສານ, ຊ່ວຍປ້ອງກັນຂໍ້ມູນສ່ວນຕົວຂອງຜູ້ໃຊ້ບໍລິການ.